Կամբոջայի Թագավորությունում ՀՀ դեսպան Վահրամ Կաժոյանի հանդիպումը Սիեմ Ռիպ նահանգի նահանգապետ Թեա Սեյհայի հետ:

19 օգոստոսի, 2022

2022 թ. օգոստոսի 19-ին Կամբոջայի Թագավորությունում ՀՀ դեսպան Վահրամ Կաժոյանը հանդիպեց Սիեմ Ռիեպ նահանգի նահանգապետ պարոն Թեա Սեյհայի հետ: Նահանգի համանուն կենտրոնը սիեմ Ռիեպ քաղաքը լինելով երկրի երկրորդ խոշորագույն քաղաքը՝ երկրի կարևորագույն զբոսաշրջային, արդյունաբերական ու գյուղատնտեսական կենտրոնն է:

Հանդիպման ժամանակ կողմերը քննարկեցին Հայաստանի և Կամբոջայի, հատկապես Սիեմ Ռիեպ նահանգի միջև առևտրա-տնտեսական՝ մասնավորապես զբոսաշրջության և ներդրումների խթանման ոլորտում համագործակցության հետագա զարգացման ու խորացման հարցերը:

Զրուցակիցներն, անդրադարձ կատարելով երկու երկրների միջև զբոսաշրջության ոլորտի զարգացմանը, երկուստեք ընդգծեցին, որ COVID-19 համավարակի տարածումը մեծ վնասներ պատճառեց Հայաստանի և Կամբոջայի զբոսաշրջության ոլորտին: Դեսպան Կաժոյանն այս համատեքստում նշեց որ, իր այս առաջին այցի ընթացքում արդեն ձեռք են բերվել մի շարք նախնական պայմանավորվածություններ, որոնց իրականացումը կնպաստի նաև դեպի Սիեմ Ռիեպ հայաստանյան զբոսաշրջիկների հոսքի ավելացմանը:

Հայաստանի և Կամբոջայի միջև ներդրումների խթանման հարցը քննարկելիս կողմերը կարևորեցին Հայաստանի և Սիեմ Ռիեպ նահանգի գործարարների փոխադարձ այցելությունները:

Սիեմ Ռիեպ նահանգի նահանգապետ պարոն Թեա Սեյհան ՀՀ դեսպանին փոխանցեց “Invetsment Opportunities in Siem Reap, Cambodia” գրքույկը՝ խնդրելով այն փոխանցել Հայաստանի Էկոնոմիկայի նախարարություն, Առևտրի պալատ կամ համապատասխան այլ կառույցի կամ գործարարների միությունների:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր